ვაშლის რეგულარულმა მოხმარებამ შესაძლოა ჰიპერტენზიის მქონე ადამიანებში ყველა მიზეზით გამოწვეული სიკვდილიანობის რისკი 39%-ით შეამციროს.
ამის შესახებ იტყობინება , რომელიც ჩინელი მეცნიერების მიერ ძინჯოუში, იანძის მდინარის საავადმყოფოში ჩატარებულ კვლევაზე დაყრდნობით იუწყება.
ათწლიანმა კვლევამ, რომელშიც 2480 ადამიანი მაღალი არტერიული წნევით იტანჯებოდა, აჩვენა, რომ კვირაში სამიდან ექვსჯერ ვაშლის მიღება მნიშვნელოვნად ამცირებს ნაადრევი სიკვდილის რისკს. მსგავსი ეფექტი დაფიქსირდა ბანანთან დაკავშირებითაც, რომელმაც რისკი 30%-ით შეამცირა.
მეცნიერები აღნიშნავენ, რომ ვაშლში არსებული ჯანმრთელობის ხელშემწყობი ძირითადი ელემენტებია პექტინი და პოლიფენოლები, რომლებიც აუმჯობესებენ გულ-სისხლძარღვთა ჯანმრთელობას და იცავს ორგანიზმის უჯრედებს. ბანანში კალიუმის მაღალი შემცველობა ხელს უწყობს არტერიული წნევის დაწევას.
თუმცა, ექსპერტები ხაზს უსვამენ, რომ ვაშლისა და ბანანის მოხმარების რეკომენდებულ დიაპაზონზე (კვირაში სამიდან ექვსჯერ) გადაჭარბება დამატებით სარგებელს არ იძლევა.
