მიმდინარე წლის ივნისში ევროპის ბაზარზე 308 Lada-ს მარკის ავტომობილი გაიყიდა. ეს მაჩვენებელი გასული წლის ანალოგიურ პერიოდთან შედარებით 11,7%-ით ნაკლებია. მაშინ რუსული ბრენდის იმპორტიორებმა ევროპაში 349 ავტომობილი გაყიდეს.
ACEA მონაცემებით , Lada-მ 2020 წლის პირველ ექვს თვეში ევროკავშირში 1,146 ავტომობილი გაყიდა, წინა წლის ანალოგიურ პერიოდში კი ეს მაჩვენებელი 2,355 იყო. ეს Lada-ს გაყიდვების 51.3%-იან შემცირებას წარმოადგენს.
პოპულარობის რეიტინგების მიხედვით, წლის პირველი ნახევრის შედეგების მიხედვით, Lada-მ ევროპის ბაზარზე ბოლოსწინა ადგილი დაიკავა და გაყიდვების შედეგებით Renault-ის საკუთრებაში არსებული Alpine-ის (444 ერთეული) გადასწრება შეძლო.
შეგახსენებთ, რომ 2019 წელს ევროკავშირში Lada-ს გაყიდვები 3.9%-ით შემცირდა და სულ მხოლოდ 4,956 ერთეული შეადგინა. 2017 წლიდან კომპანია ევროკავშირის ხუთ ქვეყანაში იყო წარმოდგენილი: გერმანიაში, ავსტრიაში, ბულგარეთში, ლიეტუვასა და უნგრეთში. ევროპელ მყიდველებს Lada Vesta და Lada 4×4 შესთავაზეს.
2019 წლის ბოლოს, AvtoVAZ-მა გამოაცხადა Lada-ს ევროპული ბაზრიდან გაყვანა გარემოსდაცვითი რეგულაციების გამკაცრების გამო. ამის ერთ-ერთი მიზეზი ასევე Renault-Nissan-Mitsubishi ალიანსის ახალი მარკეტინგული პოლიტიკაა.
