20 მაისიდან, ევროკავშირის ყველა ქვეყანაში მენთოლის ან ხილის არომატის მქონე სიგარეტის გაყიდვა აიკრძალა. გერმანული საინფორმაციო სააგენტო DPA-ს ცნობით, მენთოლი და სხვა მსგავსი დანამატები არბილებს თამბაქოს არომატს, რაც სიგარეტს უფრო მიმზიდველს ხდის. ეს განსაკუთრებით ახალი მწეველებისთვისაა დამახასიათებელი.
ეს ნაბიჯი ასრულებს ოთხწლიან გარდამავალ პერიოდს მავნე პროდუქტებისთვის, რომელთა ბაზრის წილი 3%-ზე მეტია. ახალი მოთხოვნა ევროკავშირის თამბაქოს საწინააღმდეგო პროგრამის ნაწილია, რომელიც შემუშავდა 2014 წელს დაწყებული რთული მოლაპარაკებების შედეგად და ძალაში შევიდა 2016 წელს.
მას შემდეგ, სიგარეტისა და თამბაქოს კოლოფების წინა და უკანა ყდების ორი მესამედი მოწევის სერიოზული შედეგების ამსახველი ამაზრზენი სურათებისა და გამაფრთხილებელი ეტიკეტებისთვის იყო განკუთვნილი. 2016 წელს ზოგიერთმა თამბაქოს კომპანიამ ამ გადაწყვეტილების გასაჩივრება სცადა, თუმცა ევროპის სასამართლომ მათი პრეტენზიები უარყო.
