რუსეთის საწინააღმდეგო სანქციების საპასუხოდ, მოსკოვმა გააფართოვა ევროკავშირის წევრი სახელმწიფოებისა და ევროპული ინსტიტუტების წარმომადგენლების სია, რომლებსაც რუსეთის ფედერაციაში შესვლა ეკრძალებათ.
შეზღუდვები ვრცელდება ევროკავშირის მაღალჩინოსნებზე, მათ შორის რამდენიმე ევროკომისარსა და ევროკავშირის სამხედრო სტრუქტურების ხელმძღვანელებზე, ასევე ევროპარლამენტის წევრების აბსოლუტურ უმრავლესობაზე, რომლებიც „ანტირუსულ პოლიტიკას უჭერენ მხარს“, ნათქვამია რუსეთის საგარეო საქმეთა სამინისტროს განცხადებაში.
აშშ-მ, ევროკავშირმა და დიდმა ბრიტანეთმა რუსეთის ფიზიკური და იურიდიული პირების წინააღმდეგ სანქციები გამოაცხადეს რუსეთის მიერ უკრაინაში შეჭრის შემდეგ, რასაც მოსკოვი სპეცოპერაციას უწოდებს.
