დიდი ბრიტანეთის საგარეო საქმეთა მინისტრმა ლიზ ტრასმა გააფრთხილა, რომ უკრაინაში რუსეთის შეჭრის „ყველაზე უარესი სცენარი“ შესაძლოა მომავალ კვირას განვითარდეს.
„როიტერსი“ ტრასის მიერ შაბათს მიუნხენში უსაფრთხოების კონფერენციაზე გაკეთებულ განცხადებას ციტირებს. „ეს ყველაზე ცუდი სცენარი შესაძლოა მომავალ კვირას მოხდეს. რეალობა ისაა, რომ რუსეთს ნამდვილად სურს დროის უკან დაბრუნება“. მან ასევე ხაზგასმით აღნიშნა, რომ ევროპა მე-20 საუკუნის დასაწყისიდან ერთ-ერთი ყველაზე სახიფათო სიტუაციის წინაშე დგას.
„მხოლოდ ბოლო კვირის განმავლობაში, დონბასში დეზინფორმაციისა და ცრუ დროშის ოპერაციების გაორმაგება ვიხილეთ. მეშინია, რომ რუსეთმა დიპლომატიისადმი არასერიოზულობა გამოავლინა“, - დასძინა მან.
