მოსკოვის გუბკინის სახელობის ნავთობისა და გაზის უნივერსიტეტში წითელას აფეთქება დაფიქსირდა. ჩვენი მონაცემებით, უნივერსიტეტის საერთო საცხოვრებელში მცხოვრები შვიდი ადამიანი დაავადდა.
ამ ეტაპზე უნივერსიტეტი 16 აპრილამდე დაკეტილი იქნება. სტუდენტები სამედიცინო გამოკვლევებზე გაგზავნეს, ასევე, აცრილია მათი ნაცნობები, მეგობრები და ნათესავები, რომლებსაც ჯერ არ ჩაუტარებიათ წითელას საწინააღმდეგო ვაქცინაცია.
მოსკოვში „როსპოტრებნადზორმა“ (მომხმარებელთა უფლებების დაცვისა და ადამიანის კეთილდღეობის ზედამხედველობის ფედერალურმა სამსახურმა) ეპიდემიოლოგიური გამოძიება დაიწყო. სააგენტო აცხადებს, რომ დედაქალაქში ინფექციის გავრცელების თავიდან ასაცილებლად ყველა საჭირო ზომა მიიღო.
