გერმანიის პარლამენტი 27 იანვარს უკრაინის გარშემო უსაფრთხოების მდგომარეობასთან დაკავშირებით მოსმენას გამართავს.
ამის შესახებ გამოცემა „ევროპული პრავდას“ ცნობით, გერმანიაში უკრაინის ელჩმა ანდრეი მელნიკმა განაცხადა.
მისი თქმით, უკრაინული მხარის მიერ ინიცირებული მოსმენები გაიმართება სახელწოდებით „მშვიდობის უზრუნველყოფა ევროპაში: უკრაინის ტერიტორიული მთლიანობა კითხვის ნიშნის ქვეშ არ უნდა დააყენონ“.
„ბერლინმა საბოლოოდ გადამწყვეტი ნაბიჯები უნდა გადადგას, რათა თავიდან აიცილოს რუსეთის ახალი შემოჭრა“, - დასძინა ანდრეი მელნიკმა.
როგორც ცნობილია, ლატვიის თავდაცვის მინისტრმა არტის პაბრიკსმა მკაცრად გააკრიტიკა გერმანიის პოზიცია უკრაინისთვის შეიარაღებული მხარდაჭერის გაუწევლობასთან დაკავშირებით, უკრაინის საზღვართან რუსული ჯარების დაგროვების ფონზე.
პოლონეთის პრემიერ-მინისტრმა მატეუშ მორავიეცკიმ ასევე გამოთქვა იმედგაცრუება გერმანიის პოზიციის გამო უკრაინისთვის იარაღის მიწოდების დაბლოკვის პოლიტიკასთან დაკავშირებით, რუსეთის სამხედრო ძალების გაზრდის ფონზე.
ასევე წაიკითხეთ „ევროპული პრავდას“ სარედაქციო სტატია: გერმანია ომისკენ ისწრაფვის და უკრაინაში საკუთარ მომავალს ანადგურებს. ეს უნდა შეწყდეს.
