ლაიფციგში მდებარე Querdenker-ის ჯგუფის ერთ-ერთი ლიდერი Covid-19-ით ინფიცირების შემდეგ საავადმყოფოში მოათავსეს.
DW-ს ცნობით, აღმოსავლეთ გერმანიაში, კორონავირუსის სკეპტიკოსთა მოძრაობის, Querdenken-ის, ერთ-ერთ აქტიურ წევრს COVID-19 დაუდასტურდა და ლაიფციგში საავადმყოფოში მოათავსეს.
როგორც ამბობენ, მამაკაცი, რომელიც 7 ნოემბერს ლაიფციგში კარანტინის საწინააღმდეგო დემონსტრაციის ერთ-ერთი ორგანიზატორი იყო, პროტესტიდან ერთი კვირის შემდეგ საავადმყოფოში გადაიყვანეს.
„ლაიფციგში გამოსული ერთ-ერთი ცნობილი დისიდენტი რვა დღის შემდეგ საავადმყოფოში მოათავსეს“, - განაცხადა პრესკონფერენციაზე ლაიფციგის უნივერსიტეტის საავადმყოფოს დირექტორმა, პროფესორმა კრისტოფ იოსტენმა.
მან დასძინა, რომ ვირუსი არ ახდენს დისკრიმინაციას ადამიანებს შორის, ვინც არ უნდა იყვნენ ისინი, პაციენტის ჯანმრთელობის მდგომარეობაზე კომენტარის გარეშე.
გერმანიაში კარანტინის საწინააღმდეგო საპროტესტო აქციების უმეტესობა „კვერდენკერის“ მოძრაობას უკავშირდება. ეს პროტესტები ზოგჯერ ძალადობრივ სახეს იღებს.
ჯგუფის დამფუძნებელი შტუტგარტელი მეწარმე მიხაელ ბალვეგია. კვერდენკერის მხარდამჭერები აცხადებენ, რომ Covid-19 პანდემია და ვირუსის გავრცელების შესაჩერებლად მიღებული კანონები მოქალაქეთა თავისუფლებებს არღვევს.
