გერმანიის საგარეო საქმეთა სამინისტროს პრესსპიკერმა კრისტოფერ ბურგერმა განაცხადა, რომ გერმანიაში რუსეთის ხუთი გენერალური საკონსულოდან მხოლოდ ერთი გააგრძელებს ფუნქციონირებას.
„ერთ საკონსულოს და ბერლინში რუსეთის საელჩოს მუშაობის ნებართვა მიეცათ“, - განაცხადა მან.
მან განმარტა, რომ ეს ზომა მოსკოვის მოთხოვნაზე პასუხი იყო, გერმანიის დიპლომატიურ მისიაში პერსონალის რაოდენობა 350-მდე შეემცირებინათ. დიპლომატებს წლის ბოლომდე მიეცემათ ვადა საქმიანობის შესაჩერებლად.
შესაბამისად, გერმანია დახურავს თავის საკონსულოებს კალინინგრადში, ნოვოსიბირსკსა და ეკატერინბურგში. ღია დარჩება მხოლოდ მოსკოვსა და სანქტ-პეტერბურგში მდებარე საკონსულოები.
რუსეთის საგარეო საქმეთა სამინისტრო ამ საკითხთან დაკავშირებით განცხადებას გაავრცელებს, განუცხადა „რია ნოვოსტი“-ს სამინისტროს ოფიციალურმა წარმომადგენელმა მარია ზახაროვამ.
აპრილის ბოლოს ბერლინმა 20-ზე მეტი რუსი დიპლომატი პერსონა ნონ გრატად გამოაცხადა. მოსკოვმა საპასუხოდ გერმანიის საელჩოს თანამშრომლები გააძევა და რუსეთში გერმანული დაწესებულებების თანამშრომლების რაოდენობის მაქსიმალური ლიმიტი მოითხოვა.
