გერმანიამ გამოთქვა სრული ნდობა, რომ ფინეთი და შვედეთი ნატოს წევრები გახდებიან. თუმცა, ეს შესაძლოა არ მოხდეს ალიანსის მომავალ სამიტამდე მადრიდში, 28-30 ივნისს.
გერმანიის მთავრობის წყაროს ცნობით, კატასტროფა არ იქნება, თუ ყველა საკითხზე შეთანხმების მიღწევას ცოტა მეტი დრო დასჭირდება.
„ძალიან კარგი იქნებოდა ახალი ნაბიჯების გამოცხადება, მაგრამ თუ წევრობის შეთანხმების დადებას კიდევ რამდენიმე კვირა დასჭირდება, ეს კატასტროფა არ იქნება. ჩვენი პერსპექტივიდან გამომდინარე, გადამწყვეტი ის არის, რომ არ არსებობს გადაულახავი პრობლემები“, - განაცხადა წყარომ.
შეგახსენებთ, რომ შვედეთმა და ფინეთმა ნატოში გაწევრიანების განაცხადი 18 მაისს წარადგინეს, რუსეთის მხრიდან მზარდი საფრთხის საპასუხოდ, რომელმაც უკრაინაში ომი დაიწყო. თუმცა, ორივე ქვეყანას თურქეთის წინააღმდეგობა შეხვდა.
პრეზიდენტი რეჯეფ თაიფ ერდოღანი ეწინააღმდეგებოდა ამ ორი ქვეყნის ნატოში გაწევრიანებას, რადგან მიაჩნდა, რომ ისინი მხარს უჭერენ ტერორისტულ ორგანიზაციებს. თურქეთმა შვედეთსა და ფინეთს ნატოში გაწევრიანების განსაახლებლად ათი პირობა წაუყენა.
