ჰამბურგში პროსტიტუტების დემონსტრაცია გაიმართა. რეპერბანის წითელი ფარნების რაიონის მონაწილეებმა კორონავირუსის პანდემიის გამო დახურული ბორდელების ხელახლა გახსნა მოითხოვეს.
„როიტერის“ ცნობით, ინდუსტრიის მუშაკებს ეჭირათ პლაკატები, რომლებზეც მათი მოთხოვნების მხარდაჭერა იყო მოწოდებული. დემონსტრაცია სექსმუშაკთა ასოციაციამ ორგანიზება გაუწია. აქტივისტები განმარტავენ, რომ ბორდელებში კლიენტების მიღების შეუძლებლობა ქალებს ქუჩაში გასვლას აიძულებს, რაც მათთვის გაცილებით საშიში და უკანონოა. ამასობაში, დემონსტრანტების თქმით, ბორდელებს უსაფრთხოების ზომების უზრუნველყოფა შეუძლიათ.
„უძველეს პროფესიას თქვენი მხარდაჭერა სჭირდება“, - ეწერა ერთ-ერთ სლოგანში.
ასოციაციის წარმომადგენლების თქმით, კარანტინმა მეძავებს საარსებო წყაროს შოვნის შესაძლებლობა წაართვა. თუმცა, უნდა აღინიშნოს, რომ გერმანიაში პროსტიტუცია ლეგალურია და დასაბეგრი, მისი წლიური ბრუნვა დაახლოებით ექვს მილიარდ ევროს შეადგენს.
