ამ კვირაში გავრცელდა ინფორმაცია, რომ Ubisoft-მა გაზაფხულზე ოპერაციების შეჩერების შემდეგ რუსული ბაზრის დატოვება გადაწყვიტა.
ახლა, ფრანგული გამომცემლობის მთავარმა ოფისმა უარყო ჭორები, რომ ისინი რუსეთს ტოვებენ და მოსკოვის ოფისს ხურავენ. გამომცემლობამ აღნიშნა, რომ ამ ეტაპზე აგრძელებს ფუნქციონირებას, თუმცა დამატებითი კომენტარისგან თავს იკავებს.
RBC-სთან ინტერვიუში ერთ-ერთმა რუსულმა კიბერსპორტულმა გუნდმა აღნიშნა, რომ ეს იყო პირველი შემთხვევა, როდესაც მათ გაიგეს Ubisoft-ის მიერ რუსეთში ოპერაციების შემცირების შესახებ.
Ubisoft-ის რუსული ოფისი 2015 წელს გაიხსნა, რამაც ვიდეო თამაშების რუსულ ენაზე სრულ ლოკალიზაციას შეუწყო ხელი. კომპანია ასევე მასპინძლობდა კიბერსპორტულ შეჯიბრებებს და სხვადასხვა გულშემატკივრებისთვის განკუთვნილ ღონისძიებებს.
ამის მიუხედავად, რუსეთში ვიდეო თამაშების გაყიდვების გაგრძელებაზე ჯერ არ საუბრობენ. ახალი თამაშების გამოშვება ოფიციალურად 2022 წლის მარტში შეწყდა.
