ბრიანსკის ნავთობის საწყობში ხანძარი ლოკალიზებულია. ცეცხლმა 1500 კვადრატული მეტრის ფართობი მოიცვა, იტყობინება „ინტერფაქსი“ წყაროზე დაყრდნობით.
„ტრანსნეფტის“ ბრიანსკ-დრუჟბას ნავთობბაზაში მასშტაბური ხანძრის შესახებ ინფორმაცია დაახლოებით დილის 2:00 საათზე მიიღეს. ადგილზე შვიდი რეგიონიდან საგანგებო სიტუაციების სამინისტროს ძალები მუშაობენ.
წინასწარი ინფორმაციით, არავინ დაშავებულა. მოსახლეობის ევაკუაცია არ მომხდარა.
საინფორმაციო სააგენტოები იუწყებიან, რომ ხანძარი ასევე გაჩნდა ბრიანსკში ნავთობის მეორე საწყობში.
ზოგიერთი წყაროს ცნობით, ერთ-ერთი პრიორიტეტული ვერსია დრონებით დარტყმებია.
ბრიანსკი უკრაინის საზღვრიდან 150 კილომეტრში მდებარეობს და რეგიონი 11 აპრილის შემდეგ ტერორისტული საფრთხის მაღალი დონის ქვეშაა.
