ბრაზილიელმა გრაფიკულმა დიზაინერმა ციცერო მორაისმა, რომელიც ისტორიული ფიგურების 3D კომპიუტერულ რეკონსტრუქციებში სპეციალიზირდება, წარმოიდგინა, როგორი შეიძლებოდა ყოფილიყო სრულიად რუსეთის პირველი გვირგვინოსანი ცარი, ივანე IV ვასილიევიჩი, რომელიც ივანე მრისხანედ იყო ცნობილი, იუწყება Naked Science . ამ რეკონსტრუქციის შესაქმნელად მორაისმა რამდენიმე წყარო გამოიყენა, მათ შორის საბჭოთა მეცნიერის, მიხეილ გერასიმოვის ნაშრომი, 1564 წლის წიგნის „მოციქულის“ გარეკანზე გამოსახული მეფის პორტრეტი და თანამედროვეების ისტორიული ჩანაწერები.
მორაისის ნაშრომი ეფუძნება გერასიმოვის მიერ შემუშავებულ მეთოდებს, რომელიც თავის ქალების ანთროპოლოგიური სახის რეკონსტრუქციის დარგის პიონერია. მე-16 საუკუნით დათარიღებულმა პორტრეტებმა და აღწერილობებმაც მნიშვნელოვანი როლი ითამაშეს ივანე მრისხანის გარეგნობის აღდგენაში. რეკონსტრუქცია რუსეთის ერთ-ერთი ყველაზე ცნობილი მმართველის გარეგნობის უნიკალურ წარმოდგენას გვთავაზობს.
მორაისის კვლევა არა მხოლოდ თანამედროვე ტექნოლოგიების შესაძლებლობებს აჩვენებს, არამედ ისტორიის შესწავლაში ახალ ჰორიზონტებსაც ხსნის. 3D რეკონსტრუქციის შექმნის პროცესის ამსახველმა ვიდეომ უკვე მიიპყრო როგორც ისტორიკოსების, ასევე ფართო საზოგადოების ყურადღება.
