ბელორუსის პრეზიდენტი ალექსანდრე ლუკაშენკო სამშაბათს, 28 თებერვალს, პეკინს სახელმწიფო ვიზიტით ეწვევა, - ამის შესახებ ჩინეთის სახალხო რესპუბლიკის საგარეო საქმეთა სამინისტრომ შაბათს განაცხადა.
„ჩინეთის პრეზიდენტის, სი ძინპინის მოწვევით, ბელორუსის პრეზიდენტი ალექსანდრე ლუკაშენკო 28 თებერვლიდან 2 მარტამდე ჩინეთს სახელმწიფო ვიზიტით ეწვევა“, - განაცხადა სამინისტროს წარმომადგენელმა.
პეკინს სურს მინსკთან თანამშრომლობა ორმხრივი ნდობის გასაძლიერებლად, - ხაზგასმით აღნიშნა ჩინეთის საგარეო საქმეთა მინისტრმა ცინ განმა პარასკევს ბელარუს კოლეგასთან, სერგეი ალეინიკთან სატელეფონო საუბრისას.
გასული წლის სექტემბერში, უზბეკეთის დედაქალაქ სამარყანდში გამართულ შეხვედრაზე, სი ძინპინმა და ლუკაშენკომ ორ ქვეყანას შორის სტრატეგიული თანამშრომლობის დამყარების შესახებ გამოაცხადეს.
