10 ივნისს, ბელარუსის კაგებემ დანუტა პერედნიაია „ტერორისტულ საქმიანობაში ჩართული პირების“ სიაში შეიყვანა.
ბელარუსში სტუდენტი დააპატიმრეს სოციალურ ქსელში რუსული აგრესიის დაგმობის პოსტის გამოქვეყნებისთვის. სტუდენტს, დანუტა პერედნიაიას, 6,5 წლით თავისუფლების აღკვეთა მიესაჯა.
ამის შესახებ ადამიანის უფლებათა დამცველმა ორგანიზაცია MAYDAY-მ განაცხადა.
2022 წლის 28 თებერვალს დანუტა ბელორუსის უსაფრთხოების ძალებმა დააკავეს. 20 წლის ახალგაზრდას ბრალი წაუყენეს „ბელორუსის ეროვნული უსაფრთხოებისთვის ზიანის მიყენებასა და ლუკაშენკოს შეურაცხყოფაში“.
27 თებერვალს დანუტამ სტუდენტურ ჩატში გააკრიტიკა პუტინისა და ლუკაშენკოს ქმედებები და ყველას მოუწოდა ომის წინააღმდეგ გამართულ აქციაზე დასწრებისკენ. მან გამოთქვა მოსაზრება, რომ ბელორუსის არმია ომში არ უნდა ჩაერთოს.
10 ივნისს, ბელორუსის კაგებემ დანუტა პერედნიაია „ტერორისტულ საქმიანობაში ჩართული პირების“ სიაში შეიყვანა. იგი უნივერსიტეტიდან გარიცხეს და ახლა 6,5 წლიან სასჯელს საერთო რეჟიმის კოლონიაში მოიხდის.
