ახალ ზელანდიაში საშინელი ინციდენტი მოხდა. აუქციონზე შეძენილ ჩემოდნებში ადამიანის ნეშტი აღმოაჩინეს. პოლიციამ სისხლის სამართლის გამოძიება დაიწყო, იუწყება BBC.
ინციდენტი გასულ ხუთშაბათს სამხრეთ ოკლენდში მოხდა. ოჯახმა აუქციონზე შეიძინა მისაბმელი, რომელშიც სხვადასხვა ნივთი, მათ შორის რამდენიმე ჩემოდანი იდო. როდესაც დაზარალებულები სახლში დაბრუნდნენ, მათ ნივთების გახსნა დაიწყეს. ჩემოდნების გახსნის შემდეგ მათ ადამიანის ნეშტი აღმოაჩინეს. ამჟამად ისინი ფსიქოლოგიურ დახმარებას იღებენ.
„ძალიან ვწუხვარ ამ ოჯახის გამო, მათ ამასთან არაფერი საერთო არ ჰქონდათ“, - განუცხადა ერთ-ერთმა ადგილობრივმა მცხოვრებმა Newshub-ს.
ოკლენდის პოლიციამ მკვლელობის გამოძიება დაიწყო. ამჟამად ისინი გარდაცვლილის ვინაობის დადგენაზე მუშაობენ.
