არგენტინის ვიცე-პრეზიდენტ კრისტინა კირშნერზე თავდასხმა ბუენოს-აირესის ერთ-ერთ ქუჩაზე მოხდა, როდესაც პოლიტიკოსი სახლში ბრუნდებოდა, იტყობინება TN.
თავდამსხმელი თითქმის მაშინვე დააკავეს. დამნაშავე 35 წლის ბრაზილიის მოქალაქე აღმოჩნდა, რომელიც არგენტინაში 2018 წელს გადავიდა საცხოვრებლად. მისი იარაღი დამუხტული იყო, მაგრამ არასწორად გაისროლა. ის ადრე იარაღის ტარებისთვის მარტშიც დააკავეს.
მკვლელობის მცდელობის მოტივი არ გახმაურებულა, თუმცა ცნობილია, რომ კრისტინა კირშნერს კორუფციის ბრალდება წაუყენეს. ერთ კვირაზე მეტია, კირშნერის მხარდამჭერი ადამიანები მის სახლთან იკრიბებიან.
არგენტინის ოფიციალურმა პირებმა მხარდაჭერა გამოუცხადეს დაზარალებულს. საგარეო საქმეთა მინისტრმა სანტიაგო კაფიერომ, კერძოდ, განაცხადა, რომ „ეს არის პოლიტიკური ძალადობის ყველაზე სერიოზული აქტი ქვეყანაში დემოკრატიის აღდგენის შემდეგ“.
კრისტინა ფერნანდეს დე კირშნერი არგენტინის მეორე ქალი პრეზიდენტია (ისაბელ პერონის შემდეგ) და პირველი, ვინც ხელისუფლებაში არჩევნების გზით მოვიდა (ისაბელმა თანამდებობა ქმრის გარდაცვალების შემდეგ დაიკავა და რამდენიმე წლის შემდეგ სამხედრო ხუნტამ დაამხო).
კირშნერი არგენტინის პრეზიდენტის თანამდებობას 2007 წლიდან 2015 წლამდე იკავებდა. 2019 წელს ის ვიცე-პრეზიდენტი გახდა. მან პოლიტიკური კარიერა 1947 წელს ხუან და ევიტა პერონების მიერ დაარსებულ „მართლმსაჯულთა პარტიაში“ გაიარა.
