ლანცეტის კომისიის 2020 წლის ანგარიშის თანახმად, დემენციის რამდენიმე მოდიფიცირებადი რისკ-ფაქტორი არსებობს. ეს ნიშნავს, რომ დემენციის განვითარების პრევენცია, საბოლოო ჯამში, შესაძლებელია.
დემენციის მრავალი შემთხვევის პრევენცია ან გადადება ჯანსაღი ცხოვრების წესით არის შესაძლებელი, ამბობს ჯუდიტ ჰაიდებრინკი, მედიცინის დოქტორი, მიჩიგანის უნივერსიტეტის ჯანდაცვის სისტემის ნევროლოგი და მიჩიგანის ალცჰაიმერის დაავადების კვლევითი ცენტრის კლინიკური ცენტრის თადარიგის დირექტორი.
აი, რა უნდა გახსოვდეთ Lancet-ის კვლევის თანახმად. ნევროლოგმა ჰენრი პოლსონმაც გააზიარა ეს ინფორმაცია.
- აკონტროლეთ არტერიული წნევა. დაახლოებით 40 წლის ასაკიდან დაწყებული, ეცადეთ, სისტოლური წნევა 130 მმ.ვწყ.სვ. ან უფრო დაბალი იყოს. კვლევები აჩვენებს, რომ ეს ასევე ამცირებს გულის შეტევისა და ინსულტის რისკს.
- დაიცავით თქვენი სმენა. ერთ-ერთმა ბოლოდროინდელმა კვლევამ აჩვენა, რომ ხანდაზმულებს, რომლებიც სმენის დაქვეითების გამო სმენის აპარატებს იყენებენ, მომდევნო სამი წლის განმავლობაში დემენციის განვითარების დაბალი რისკი აქვთ.
- შეეცადეთ შეამციროთ ჰაერის დაბინძურება. ცნობილია, რომ ჰაერის ხარისხის გაუმჯობესება ასევე ამცირებს დემენციის რისკს.
- მოერიდეთ თავის ტრავმებს. მათ შეიძლება ტვინის დაზიანება გამოიწვიონ.
- შეზღუდეთ ალკოჰოლის მოხმარება და თავი დაანებეთ მოწევას. ყველაზე უსაფრთხოა დღეში არაუმეტეს ერთი პორციის ალკოჰოლის მიღება.
- შეინარჩუნეთ გონებრივი აქტივობა. ადამიანები, რომლებიც უფრო დიდხანს სწავლობენ, ნაკლებად არიან მიდრეკილნი დემენციის განვითარებისკენ. თქვენ შეგიძლიათ შეინარჩუნოთ ტვინის სიმკვეთრე ახალი ნივთების სწავლით, თავსატეხების ამოხსნით, ახალი ჰობიების მოსინჯვით და ა.შ.
- რეგულარულად ივარჯიშეთ და მიირთვით გულისთვის ჯანსაღი საკვები. ყველაფერი, რაც გულისთვის კარგია, დადებითად მოქმედებს თქვენი ტვინის ჯანმრთელობაზე. კვირაში 150 წუთიანი ზომიერი და ენერგიული ფიზიკური აქტივობა ასევე დაგეხმარებათ დემენციის პრევენციაში.
- შეინარჩუნეთ ჯანსაღი ძილის გრაფიკი. ძილის დარღვევები, როგორიცაა ძილის აპნოე, შეიძლება დაკავშირებული იყოს დემენციის მაღალ რისკთან.
- შეინარჩუნეთ სოციალური კავშირები. შეინარჩუნეთ კავშირი ოჯახის წევრებთან და მეგობრებთან, დაესწარით სოციალურ ღონისძიებებს. ეს დაგეხმარებათ ტვინის სიმკვეთრის შენარჩუნებაში.
- იზრუნეთ თქვენს ფსიქიკურ ჯანმრთელობაზე. ზოგიერთი კვლევა ვარაუდობს, რომ დეპრესია შესაძლოა დაკავშირებული იყოს დემენციასთან მოგვიანებით ასაკში.
