თავდასხმა მეორე დღეა გრძელდება.
რუსებმა აზოვსტალის ქარხნის ყოფილ თანამშრომლებს შორის მოღალატე იპოვეს, რომელმაც მათ ქარხნის ტერიტორიის ქვეშ არსებული საიდუმლო მიწისქვეშა გასასვლელები აჩვენა და ახლა ოკუპანტები ამ გვირაბებს შტურმით უტევენ.
ამის შესახებ უკრაინის შინაგან საქმეთა მინისტრის მრჩეველმა ანტონ გერაშჩენკომ განაცხადა.
„რუსმა ნაძირლებმა აზოვსტალის ქარხნის თანამშრომლებს შორის მოღალატე იპოვეს, ვიღაც ელექტრიკოსი, რომელმაც ქარხნის ტერიტორიაზე მიმავალი მიწისქვეშა გვირაბები გამოავლინა. გუშინ კი რუსებმა ამ გვირაბების შტურმი დაიწყეს, მოღალატისგან მიღებული ინფორმაციის გამოყენებით“, - თქვა გერაშჩენკომ.
მან ხაზგასმით აღნიშნა, რომ სწორედ ამიტომ ჩავიდა რუსი პროპაგანდისტი ვლადიმერ სოლოვიოვი მოსკოვიდან მარიპოლში მოულოდნელად.
„რადგან მას დაჰპირდნენ, რომ გუშინ აზოვსტალის ტერიტორიას რუსი ნაძირლები დაიპყრობდნენ და ის შეძლებდა რუსი ნაძირლების „გამარჯვების“ გადაღებას უკრაინელ დამცველებზე. ეს გუშინ არ მომხდარა; ჩვენი დამცველები აზოვსტალის ტერიტორიის დაცვას აგრძელებენ“, - ხაზგასმით აღნიშნა გერაშჩენკომ.
მრჩეველმა დასძინა, რომ ჩვენი დამცველების უპრეცედენტო გმირობისა და გამბედაობის ეს ნამოქმედარი სახელმძღვანელოებში შევა და ნაძირალა, რომელმაც აზოსტალის ქარხნის ქვეშ არსებული მიწისქვეშა საიდუმლო გასასვლელები გამოავლინა, აუცილებლად „იპოვის თავის ტყვიას ან თავში აგურს“.
