რუსეთის ელჩი ავსტრიის საგარეო საქმეთა სამინისტროში დაიბარეს ხარკოვის სოფელ გროზაზე სარაკეტო დარტყმის შემდეგ, რომლის შედეგადაც 52 ადამიანი დაიღუპა.
ავსტრიის საგარეო საქმეთა სამინისტრომ რუსეთის ელჩი 5 ოქტომბერს ხარკოვის ოლქის სოფელ გროზაზე სარაკეტო დარტყმასთან დაკავშირებით დაიბარა. ამის შესახებ სამინისტრომ სოციალურ ქსელში განაცხადა.
„ვენაში რუსეთის ელჩი დაიბარეს გუშინდელ საშინელ სარაკეტო თავდასხმასთან დაკავშირებით ხარკოვის ოლქის სოფელზე, რომელმაც ათობით უდანაშაულო ადამიანის სიცოცხლე შეიწირა. მშვიდობიან მოსახლეობაზე თავდასხმა ომის დანაშაულს წარმოადგენს. დამნაშავეებმა პასუხი უნდა აგონ“, - ნათქვამია განცხადებაში.
შეგახსენებთ, რომ 5 ოქტომბერს, შუადღისას, რუსულმა ძალებმა ხარკოვის ოლქის სოფელ გროზაზე „ისკანდერის“ ტიპის რაკეტები დაბომბეს. რაკეტები კაფესა და მაღაზიას მოხვდა, სადაც თავდასხმის დროს დაღუპული ჯარისკაცის ხსოვნისადმი მიძღვნილი პანაშვიდი მიმდინარეობდა. თავდასხმის შედეგად 52 ადამიანი დაიღუპა.
