იაპონიის საგარეო საქმეთა სამინისტროს ცნობით, 27 მაისს, იაპონიის მთავრობამ გადაწყვიტა, უკრაინის მოსახლეობისთვის ჰუმანიტარული დახმარების გასაწევად საგანგებო გრანტის სახით დაახლოებით 166 მილიონი დოლარის ოდენობის დახმარება გაეზარდა.
როგორც აღინიშნა, 166 მილიონი დოლარი განკუთვნილია ხანძარსაწინააღმდეგო აღჭურვილობის, საკომუნიკაციო აღჭურვილობის, მედიკამენტების, სამედიცინო მარაგების და სხვა ნივთების უკრაინაში გაეროს პროექტების მომსახურების ოფისის (UNOPS) მეშვეობით გადაცემის უზრუნველსაყოფად.
იაპონიამ უკრაინასა და მეზობელ ქვეყნებს აქამდე საგანგებო ჰუმანიტარული დახმარება გაუწია (სულ 200 მილიონი დოლარი) და გამოთქვა განზრახვა, უკრაინის ეკონომიკას ფინანსური მხარდაჭერა გაუწიოს (სულ 600 მილიონი დოლარი), ასევე 300 მილიონი იენის გრანტის სახით დახმარება გამოყოს ჯანდაცვის ეკონომიკური და სოციალური განვითარების პროგრამის ფარგლებში.
