ჩეხეთი და სლოვაკეთი უკრაინულ სამხედრო ტექნიკას შეკეთებას განახორციელებენ. პირველი კონტრაქტი T-64 ტანკების რემონტს მოიცავს.
გამოცემის ცნობით, დაზიანებული უკრაინული სამხედრო ტექნიკის შეკეთებას ჩეხეთისა და სლოვაკეთის შეიარაღების კომპანიები განახორციელებენ. პირველი კონტრაქტის თანახმად, T-64 ტანკებს „ჩეხოსლოვაკიის ჯგუფის“ ჰოლდინგური კომპანია განაახლებს. მომავალში სხვა კომპანიები სხვა ჯავშანტექნიკის შეკეთებას დაიწყებენ.
როგორც ჩეხეთის თავდაცვის სამინისტრომ აღნიშნა, კომპანიები მასშტაბურ სამუშაოებს განახორციელებენ, მათ შორის ზოგად რემონტს და საწყობებში დიდი ხნის განმავლობაში შენახული აღჭურვილობის ექსპლუატაციაში გაშვებას.
გარდა ამისა, სლოვაკეთის თავდაცვის საწარმოები პასუხისმგებელნი იქნებიან უკრაინული ტექნიკის შეკეთებაზე.
შეგახსენებთ, რომ აპრილის დასაწყისში უკრაინამ ჩეხეთსა და სლოვაკეთს მიმართა თხოვნით, რომ ორივე ქვეყნის ქარხნებში სამხედრო ტექნიკის შეკეთების ნებართვა მიეცეთ.
აღსანიშნავია, რომ რუსეთმა ადრე უკრაინას ომის წინააღმდეგობის გაწევაში დამხმარე ყველა ქვეყანას „არაპროგნოზირებადი შედეგებით“ დაემუქრა.
