ჰაკერულმა ჯგუფმა Anonymous-მა კიდევ ერთი თავდასხმა განახორციელა ბელორუსის სამთავრობო ვებსაიტებზე. ქვეყნის უდიდესი სამთავრობო პორტალები ამჟამად გათიშულია.
ჰაკერების თქმით, თავდასხმა უკრაინაში შეჭრაში ბელორუსის თანამონაწილეობის საპასუხოდ განხორციელდა. ამის შესახებ ანონიმური ჯგუფის Twitter-ის გვერდზე გავრცელდა ინფორმაცია.
ჰაკერებმა გამოაქვეყნეს სკრინშოტები, რომლებიც ადასტურებენ ბელორუსის სამთავრობო ვებსაიტების მუშაობის შეფერხებას. ბელორუსის ეკონომიკის სამინისტროს, განათლების სამინისტროს, იუსტიციის სამინისტროს და სხვა სამთავრობო პორტალების ვებსაიტები გათიშულია.
„Anonymous-ი ბელორუსის მთავრობის წინააღმდეგ მასშტაბურ შეტევას იწყებს უკრაინაში შეჭრაში მათი თანამონაწილეობის გამო. მათი ყველა მთავარი სამთავრობო ვებსაიტი გათიშულია“, - განაცხადეს ჰაკერებმა.
მანამდე, Anonymous-ის ჰაკერებმა განაცხადეს, რომ მათ რუსეთის აგრესორი ქვეყნის კიდევ ერთი ბანკის მონაცემთა ბაზა გატეხეს. ეს იყო Sberbank, რუსეთის უდიდესი ბანკი. იმავე დღეს, ბანკიდან სამმა ტოპ-მენეჯერმა დატოვა თანამდებობა: თავმჯდომარის მოადგილეებმა ალექსანდრა ბურიკომ და სერგეი მალცევმა, ასევე საბჭოს წევრმა ნატალია ალიმოვამ.
