რუსეთის ცენტრალური ბანკის თავმჯდომარემ, ელვირა ნაბიულინამ, განაცხადა, რომ ციფრული რუბლის მნიშვნელოვანი მასშტაბირება 2025 წლამდე არ დაიწყება და ახალი ვალუტის სრულ ინტეგრაციას და მოსახლეობაში ფართოდ გამოყენებას ხუთიდან შვიდ წლამდე შეიძლება დასჭირდეს.
მან ასევე ხაზი გაუსვა, რომ ციფრულ რუბლზე გადასვლა უნდა იყოს შეუფერხებელი და კომფორტული ბაზრის ყველა მონაწილისთვის, მათ შორის რიგითი მოქალაქეებისა და ბიზნესისთვის. მნიშვნელოვანია, რომ ადამიანებმა შეინარჩუნონ გადახდის მეთოდების არჩევის თავისუფლება და რომ ახალი სისტემა საზოგადოებამ კარგად მიიღოს.
ციფრული რუბლი ეროვნული ვალუტის ახალი ფორმა იქნება, რომელიც ტრადიციულ ნაღდ და უნაღდო ფულთან ერთად იქნება გამოყენებული.
„ნაშა გაზეტას“ ცნობით, თუ ციფრული რუბლი პოპულარული და მოსახერხებელი აღმოჩნდება სხვა გადახდის სისტემებთან ერთად გამოსაყენებლად, მისი წილი რუსების ფულად ტრანზაქციებში მისი გამოშვებიდან ერთი წლის განმავლობაში შესაძლოა ყველა ტრანზაქციის 41%-ს მიაღწიოს .
