ბერლინის შენეფელდის აეროპორტში დაეშვა სამედიცინო თვითმფრინავი, რომელშიც კომატოზურ მდგომარეობაში მყოფი ოპოზიციის ლიდერი ალექსეი ნავალნი იმყოფებოდა. „როიტერის“ ცნობით, ოპოზიციის ლიდერის მდგომარეობა ფრენის დროს და დაშვების შემდეგ სტაბილური იყო.
თვითმფრინავი ომსკიდან დაახლოებით დილის 5 საათზე გაფრინდა. ოპოზიციის ლიდერის მეუღლე მასთან ერთად თვითმფრინავში იმყოფებოდა, - ნავალნის პრესმდივანმა, კირა იარმიშმა Twitter-
ნავალნი გერმანულ Charite კლინიკაში მოათავსეს.
ერთი დღით ადრე, ომსკში ოპოზიციის ლიდერის ასაყვანად თვითმფრინავი ჩაფრინდა. თავდაპირველად, ექიმებმა უარი თქვეს მისი გერმანიაში გადაყვანის დამტკიცებაზე მისი არასტაბილური მდგომარეობის გამო. თუმცა, საღამოსთვის მათ დაამტკიცეს ნავალნის გერმანიაში გადაყვანა მეუღლის პასუხისმგებლობით მკურნალობის მიზნით.
