მოსკოვის ბირჟაზე ევროს გაცვლითი კურსი პარასკევს ვაჭრობის დროს 96 რუბლს გადააჭარბა, რაც 2022 წლის 29 მარტის შემდეგ პირველად მოხდა, - ამის შესახებ ბირჟის მონაცემებია ნათქვამი.
დილის 9:00 საათისთვის ევროპული ვალუტა 0.8%-ით გაიზარდა და 96.3 რუბლს მიაღწია.
დოლარის კურსიც აგრძელებს ზრდას და 88.7 რუბლამდე გაიზარდა.
მანამდე, „ალფა-ფორექსის“ საინვესტიციო სტრატეგიის კვლევის ხელმძღვანელმა, სპარტაკ სობოლევმა, ქვეყანაში არსებული ვითარების გათვალისწინებით, რუბლის შემდგომი ვარდნა იწინასწარმეტყველა. ის მიიჩნევს, რომ ზაფხულის ბოლომდე ევროს კურსი შესაძლოა 100 რუბლამდე, ხოლო დოლარის - 90-მდე გაიზარდოს.
