უკრაინაში მყოფ რუს სამხედრო ტყვეებს საერთაშორისო ჰუმანიტარული სამართლის შესაბამისად მოეპყრობიან.
უკრაინაში მყოფ რუს პატიმრებს საერთაშორისო ჰუმანიტარული სამართლის შესაბამისად მოეპყრობიან და შემდგომში უკრაინის ეკონომიკის აღდგენაზე იმუშავებენ.
პრესსამსახურის ცნობით, ამის შესახებ უკრაინის შინაგან საქმეთა მინისტრის პირველმა მოადგილემ, ევგენ იენინმა განაცხადა.
მან ხაზგასმით აღნიშნა, რომ უკრაინა მკაცრად დაიცავს საერთაშორისო ჰუმანიტარული სამართლის ყველა ნორმას.
„და სწორედ ეს განგვასხვავებს რუსი აგრესორისგან, რომელიც ესვრის მშვიდობიან მოსახლეობას და ახორციელებს რაკეტებითა და ბომბებით დაბომბვას შენობებზე. და მე აღარაფერს ვამბობ ჩვენი სამხედრო პერსონალის მიმართ მოპყრობაზე“, - თქვა იენინმა.
შინაგან საქმეთა მინისტრის პირველმა მოადგილემ ასევე აღნიშნა, რომ უკრაინა გამოიყენებს ჟენევის კონვენციებით სამხედრო ტყვეებთან დაკავშირებით გათვალისწინებულ ყველა შესაძლებლობას.
„ამ მხრივ ჩვენ გამოვიყენებთ ჟენევის კონვენციებით მოწოდებულ ყველა შესაძლებლობას. ეს ნიშნავს შრომის გამოყენებას. ყველა ეს ადამიანი შემდგომში უკრაინის ეკონომიკის აღსადგენად იმუშავებს“, - განაცხადა იენინმა.
