რუსეთის პრეზიდენტი ვლადიმერ პუტინი სამხრეთ და აღმოსავლეთ უკრაინაში ხერსონისა და ლუგანსკის ოლქების ოკუპირებულ ტერიტორიებს ეწვია. იქ მან სამხედრო დაჯგუფებების მეთაურებისა და სხვა სამხედრო ლიდერებისგან მოისმინა ანგარიშები, იტყობინება კრემლის პრესსამსახური.
განცხადებაში არ არის მითითებული, თუ როდის შედგა ვიზიტი, თუმცა ნათქვამია, რომ კრემლის ლიდერმა ხერსონისა და ლუგანსკის ოლქებში მყოფ სამხედრო მოსამსახურეებს აღდგომა მიულოცა და „ხატების ასლები“ გადასცა.
რუსეთის პრეზიდენტის ეს ვიზიტები აქამდე არ იყო გამოცხადებული.
2023 წლის მარტში პუტინი ანექსირებულ მარიუპოლს პირველად ეწვია უკრაინაში რუსული აგრესიის დაწყების შემდეგ.
