უკრაინაში მყოფი რუსული ძალები აგრძელებენ ლისიჩანსკის და სევეროდონეცკის აღების მცდელობებს. სასტიკი ბრძოლები გრძელდება. ომის მსხვერპლთა რიცხვი იზრდება. ცხედრები მასობრივ საფლავებში იმარხება. ეს ადამიანები სევეროდონეცკიდან ევაკუირებულნი არიან, რომელიც, რუსეთის თქმით, ბლოკადაშია.
უკრაინის თავდაცვის სამინისტრომ გამოაქვეყნა კადრები, რომლებიც, სავარაუდოდ, დონეცკის რეგიონზე რუსეთის ინტენსიური სარაკეტო თავდასხმებს ასახავს. კადრების გადაღების თარიღი არ დაკონკრეტებულა.
თავის საღამოს მიმართვაში უკრაინის პრეზიდენტმა ვოლოდიმირ ზელენსკიმ განაცხადა, რომ დონბასი უკრაინის საკუთრება იქნებოდა. მანამდე მან გამოთქვა მზადყოფნა, შეხვდეს რუსეთის პრეზიდენტ ვლადიმერ პუტინს, თუკი ეს ომის დასრულების შანსი იქნებოდა.
პარასკევს, ავსტრიის კანცლერმა კარლ ნეჰამერმა პუტინთან სატელეფონო საუბარი გამართა. კრემლის პრესსამსახურის ცნობით, „აღინიშნა კიევის მიერ რუსეთისა და უკრაინის წარმომადგენლებს შორის მოლაპარაკების პროცესის საბოტაჟი“.
გლობალური სასურსათო უსაფრთხოების საკითხებზე საუბრისას, პუტინმა განაცხადა, რომ „მსოფლიო ბაზრებზე სასოფლო-სამეურნეო პროდუქტებით მიწოდების სირთულეებში რუსეთის დადანაშაულების მცდელობები უსაფუძვლოა“.
პარასკევს, რუსეთის სამხედრო ჩინოვნიკებმა განაცხადეს, რომ მათ დაასრულეს მარიუპოლის პორტში განაღმვითი სამუშაოები და აზოვის ზღვიდან გაიტანეს ჩაძირული გემები.
