რუს პოლიტიკოსსა და პოლიტპატიმარ ალექსეი ნავალნის ტრეინის ფონდის სამოქალაქო გამბედაობისთვის ჯილდო გადაეცა.
დაჯილდოების ცერემონია ნიუ-იორკის უნივერსიტეტში დაუსწრებლად გაიმართა. პრემია ნავალნის მოკავშირეებმა, მარია პევჩიხმა და ლეონიდ ვოლკოვმა მიიღეს. ბალეტის მოცეკვავემ და საზოგადო მოღვაწემ, მიხეილ ბარიშნიკოვმა, რომელიც ასევე სიტყვით გამოვიდა ცერემონიაზე, ნავალნის „გიჟურად მამაცი“ უწოდა და განაცხადა, რომ პოლიტიკოსის მისიაა „რუსეთის უფრო დემოკრატიული ხედვის დაცვა“. თავად ბარიშნიკოვი 1974 წელს სსრკ-ში გაიქცა.
ორგანიზაციის ვებსაიტის ცნობით, სამოქალაქო გამბედაობის პრიზი გადაეცემათ „მათ, ვინც მტკიცედ ეძებს თავისუფლებას სხვებისთვის, საკუთარი თავისთვის მოსალოდნელი შედეგების მიუხედავად“. წლების განმავლობაში ის მიიღეს ჟურნალისტმა ანა პოლიტკოვსკაიამ, პოლიტიკოსმა ვლადიმერ კარა-მურზამ და სერბმა ადამიანის უფლებათა დამცველმა ნატაშა კანდიჩმა.
