ლატვიის მთავრობა 1 აგვისტოდან შეაჩერებს რუსეთთან შეთანხმებას სასაზღვრო რეგიონების მაცხოვრებლებისთვის გამარტივებული საზღვრის გადაკვეთის შესახებ.
ამის შესახებ ინფორმაციას გამოცემა „ევროპული პრავდა“ TV.net-ზე დაყრდნობით ავრცელებს.
ლატვიის საგარეო საქმეთა სამინისტრო განმარტავს, რომ ფსკოვში საკონსულოს დახურვის შემდეგ, რუსებისთვის სასაზღვრო ნებართვების გაცემა შეუძლებელი გახდა.
გარდა ამისა, სეიმას საგარეო საქმეთა კომიტეტმა ლატვიის მთავრობას რეკომენდაცია მისცა, შეაჩეროს 2010 წელს რუსეთის ფედერაციასთან ორმხრივი მოგზაურობის გამარტივების შესახებ დადებული შეთანხმება.
შეგახსენებთ, რომ ლატვიამ რუსეთიდან თავისი ელჩი გაიწვია და რუსებისთვის ვიზების გაცემა 24 თებერვალს შეწყვიტა უკრაინაში სრულმასშტაბიანი შეჭრის საპასუხოდ.
ერთი დღით ადრე, ლატვიის საგარეო საქმეთა მინისტრმა ედგარს რინკევიჩსმა მოუწოდა ევროკავშირს, რუსეთი ტერორიზმის სახელმწიფო სპონსორად აღიაროს და რუსეთის მოქალაქეებისთვის ევროკავშირის ტურისტული ვიზების გაცემა აკრძალოს.
