საკამათო კანონის მიღებიდან მეორე დღეს, რომელიც ლგბტ თემის წარმომადგენლობას საჯარო სივრცეებში, მათ შორის ხელოვნებაში, მთლიანად კრძალავდა, ონლაინ წიგნის მაღაზია „ლაბირინთმა“ გაყიდვიდან რამდენიმე წიგნი ამოიღო. Meduza-ს ცნობით, მათ შორის საერთაშორისო ბესტსელერებიც იყო.
„მედუზას“ ლიტერატურული კრიტიკოსის, გალინა იუზეფოვიჩის თქმით, საიტიდან გაქრა ისეთი გახმაურებული ნაწარმოებები, როგორიცაა ჰანია იანაგიჰარას „პატარა სიცოცხლე“ (2010-იანი წლების ყველაზე განხილვადი რომანი), დონა ტარტის „ოქროს ფანჩატური“ (ბოლო 10 წლის ერთ-ერთი ყველაზე პოპულარული წიგნი) და ელენა მალისოვასა და კატერინა სილვანოვას „ზაფხული პიონერული ჰალსტუხით“ (ძალიან წასაკითხი რომანი პიონერისა და ბანაკის მრჩევლის სიყვარულზე).
24 ნოემბერს რუსეთის სახელმწიფო დუმამ მესამე მოსმენით მიიღო კანონი, რომელიც კრძალავს ლგბტ ადამიანების შესახებ ინფორმაციის გავრცელებას და „გენდერის შეცვლას“. ძირითადი შეზღუდვები ეხება წიგნებისა და კინოინდუსტრიებს, ასევე მედია საშუალებებს, რეკლამასა და ონლაინ რესურსებს.
