რუსებს შორის ყველაზე პოპულარული სმარტფონები დასახელდა.
Yandex.Market-ის ექსპერტებმა შეისწავლეს სმარტფონებზე მოთხოვნა და გამოავლინეს ყველაზე გაყიდვადი მოდელები 2020 წლის დასაწყისში. კვლევაში გამოყენებული იყო ონლაინ მაღაზიებში მომხმარებლების ვიზიტების მონაცემები 1 იანვრიდან 27 თებერვლამდე პერიოდში.
სიის სათავეში Xiaomi-ს ორი მოდელი აღმოჩნდა: Redmi Note 8T და Redmi Note 8 Pro. მესამე ადგილზე Samsung Galaxy A50 გავიდა. მეოთხე და მეხუთე ადგილები iPhone 11-მა გაიყო, შესაბამისად, 64 GB და 128 GB მეხსიერების ვარიანტებით.
მკვლევარები აღნიშნავენ, რომ Xiaomi ლიდერად მეორე წელია რჩება. ბოლო ორი თვის განმავლობაში, მომხმარებლის მიერ მოწოდებული კონვერსიების 30%-ზე მეტი ამ მწარმოებლის სმარტფონებზე მოდიოდა. საერთო ჯამში, ბოლო ორი წლის განმავლობაში, Xiaomi-ზე მოთხოვნა მნიშვნელოვნად მაღალი იყო, ვიდრე Apple-ის ან Samsung-ის. სამხრეთ კორეული ბრენდის სმარტფონებმა 2019 წლის იანვრიდან სექტემბრის შუა რიცხვებამდე მეორე ადგილი დაიკავეს. Apple-ის სექტემბრის პრეზენტაციის შემდეგ, ამერიკულმა ბრენდმა Samsung-ს გაუსწრო. თუმცა, როგორც კი სამხრეთ კორეელებმა Galaxy S20 სერია წარადგინეს, Apple-ის მოწყობილობების მიმართ ინტერესი შემცირდა და Samsung-მა მეორე ადგილი დაიბრუნა.
