ჩინურმა კომპანია BOE-მ სათვალის გარეშე 3D მონიტორი წარადგინა. სამგანზომილებიანი ეფექტი მხოლოდ მაშინ ჩნდება, როდესაც მნახველი ეკრანთან ახლოსაა.
It Home პორტალის ცნობით, BOE-მ მონიტორი ევროპულ ISE 2023 გამოფენაზე წარადგინა.
110 დიუმიან ეკრანს 120 ჰერცის განახლების სიხშირით შეუძლია სურათების 8K ფორმატში ჩვენება.
მონიტორი იყენებს ლინზების მასივს, რომელიც შერწყმულია mini-LED და კვანტური წერტილების განათების ტექნოლოგიასთან. ეს საშუალებას აძლევს მნახველს, დამატებითი აღჭურვილობის გარეშე დაინახოს ობიექტები 3D-ში.
3D ეფექტის განსახილველად, მაყურებელი მონიტორიდან 1.5 მეტრზე მეტ მანძილზე არ უნდა იმყოფებოდეს. BOE ამ მანძილის გაზრდაზე მუშაობს.
მწარმოებელი ვარაუდობს, რომ მისი გამოგონება მოთხოვნადი იქნება გამოფენის ორგანიზატორებს შორის, საქმიან შეხვედრებზე და სარეკლამო ინდუსტრიაში.
