მანამდე 25 დაშავებულის შესახებ იყო ცნობილი.
არაღიარებული მთიანი ყარაბაღის რესპუბლიკის ადამიანის უფლებათა ომბუდსმენის, გეღამ სტეპანიანის თქმით, 19 სექტემბერს აზერბაიჯანის მიერ განხორციელებული დაბომბვის შედეგად 27 ადამიანი დაიღუპა.
სტეპანიანის თქმით, ეს ინფორმაცია სტეპანაკერტის მორგიდან მიიღეს. ომბუდსმენმა ხაზგასმით აღნიშნა, რომ დაღუპულებს შორის ორი მშვიდობიანი მოქალაქეა, იტყობინება „კომერსანტი“.
დაბომბვის შედეგად დაშავებულთა რაოდენობამ 200-ს გადააჭარბა. სტეპანიანმა დასძინა, რომ ასკერანისა და მარტუნის სოფლებიდან დაშავებულების შესახებ ინფორმაცია ჯერ არ მიუღიათ, რადგან ამ რაიონებთან კომუნიკაცია აღდგენილი არ არის.
19 სექტემბრის დილით, აზერბაიჯანმა გამოაცხადა მთიან ყარაბაღში „ლოკალიზებული ანტიტერორისტული ზომების“ დაწყების შესახებ, რომლის მიზანიც „კონსტიტუციური წესრიგის აღდგენაა“. მთელი დღის განმავლობაში არაღიარებული რესპუბლიკა მასობრივ დაბომბვას განიცდიდა. სომხეთმა რეგიონში სიტუაციის ესკალაციასთან დაკავშირებით ადამიანის უფლებათა ევროპულ სასამართლოში საჩივარი შეიტანა.
