ბოლო ინფორმაციით, მომღერალმა რუსეთი დატოვა.
რუსმა მომღერალმა ზემფირამ თავისი სიმღერისთვის „არ ისროლო“ მუსიკალური ვიდეო გამოუშვა, რომელშიც უკრაინის ომის, რუსეთში მიმდინარე საპროტესტო აქციების და მომიტინგეების დაკავების კადრებია ასახული.
არტისტმა ასევე წაშალა თითქმის ყველა სხვა ვიდეო თავისი YouTube ანგარიშიდან — მხოლოდ ზემოხსენებული ვიდეო და Okean Elzy-ს სიმღერის „Vidpusti“-ს მის მიერ 2008 წელს გადაღებული ქავერ ვერსია დარჩა.
ზემფირას ინსტაგრამის პროფილიც წაშლილია წინა პოსტებისგან — მასზე მხოლოდ მისი უახლესი სიმღერა და შავი კვადრატია განთავსებული წარწერით „არა ომს“, რომელიც 24 თებერვალს გამოქვეყნდა.
აღსანიშნავია, რომ 2022 წლის 24 თებერვალს, რუსეთის მიერ უკრაინაში შეჭრის დღეს, ზემფირამ მოსკოვის აუდიტორიის წინაშე კონცერტი გამართა. ერთი კვირის შემდეგ მედიაში გავრცელდა ინფორმაცია, რომ ვარსკვლავმა რუსეთი დატოვა. ის და მსახიობი რენატა ლიტვინოვა, სავარაუდოდ, საფრანგეთის აეროპორტში შენიშნეს.
