უკრაინის პრეზიდენტმა ვოლოდიმირ ზელენსკიმ რუსი სამხედრო მოსამსახურეების დედებს მიმართა.
სახელმწიფოს მეთაურმა მოუწოდა მათ, არ გაეგზავნათ შვილები უკრაინის წინააღმდეგ ომში, რადგან ისინი ან დაიღუპებოდნენ, ან ტყვედ ჩავარდებოდნენ.
„მინდა კიდევ ერთხელ ვუთხრა ყველა რუს დედას, განსაკუთრებით კი წვევამდელების დედებს: ნუ გაგზავნით თქვენს შვილებს ომში უცხო მიწაზე. ნუ დაიჯერებთ დაპირებებს, რომ მათ უბრალოდ სადმე გაგზავნიან საწვრთნელად ან უბრალოდ სადმე არასაბრძოლო პირობებში“, - განაცხადა ზელენსკიმ.
სახელმწიფოს მეთაურმა რუსი სამხედრო მოსამსახურეების დედებს მოუწოდა, შეემოწმებინათ მათი ვაჟების ადგილსამყოფელი. მან ქალებს მოუწოდა, იმოქმედონ, თუ მათ ოდნავი ეჭვიც კი აქვთ, რომ მათი შვილები უკრაინის წინააღმდეგ საბრძოლველად გაგზავნეს.
„დაუყოვნებლივ იმოქმედეთ, ნუ გადასცემთ თქვენს შვილს სიკვდილს ან ტყვეობას“, - დასძინა ზელენსკიმ.
მან ხაზგასმით აღნიშნა, რომ უკრაინას არასდროს სურდა ეს საზარელი ომი. თუმცა, უკრაინელები თავს დაიცავენ მანამ, სანამ ამის გაკეთება დასჭირდებათ.
