ქალი აღიარებს, რომ ხშირად აკრიტიკებენ, მაგრამ აღნიშნავს, რომ მას სილამაზის საკუთარი გაგება აქვს.
25 წლის ანდრეა ივანოვამ, რომელიც მსოფლიოში ყველაზე დიდი ტუჩების მფლობელად ითვლება, ახლა გადაწყვიტა, რომ ლოყებიც შეიცვალოს.
ამის შესახებ www.mirror.co.uk წერს.
ქალმა, რომელმაც 8000 ფუნტი სტერლინგი დახარჯა „მსოფლიოში ყველაზე დიდი ტუჩების“ ქონაზე, ახლა გადაწყვიტა, ლოყების ძვლები „მსოფლიოში ყველაზე დიდი“ გამხდარიყო.
ანდრეა ივანოვამ ტრანსფორმაცია 2018 წელს დაიწყო და საკუთარი თავი ბრატცის თოჯინად წარმოიდგინა. ამისათვის მან ყბის ოპერაცია და ნიკაპის შემავსებელი ინექციები გაიკეთა.
„მინდა, რომ არა მხოლოდ მსოფლიოში ყველაზე დიდი ტუჩები მქონდეს, არამედ ყველაზე დიდი ყვრიმალებიც. უკვე ოთხი ჰიალურონის მჟავას ინექცია გავიკეთე ყვრიმალების ძვლებში, მაგრამ კვირაში კიდევ ორს გავიკეთებ“, - განმარტა ქალმა.
ანდრეამ ასევე განაცხადა, რომ მას უკვე 34 ტუჩის ინექცია აქვს გაკეთებული და აგრძელებს მის გაკეთებას. თუმცა, ის ამტკიცებს, რომ რამდენიმე კლინიკა უარს ამბობს ტუჩის შემავსებლის ინექციაზე, რადგან ისინი ძალიან დიდია და ინექციების გაზრდამ შეიძლება ჯანმრთელობის გართულებები გამოიწვიოს. ექიმებმა ადრე გააფრთხილეს, რომ ყურადღება მიექცია პირის ღრუში ნებისმიერი ტკივილისთვის, რადგან მომავალი პროცედურები შესაძლოა ფატალური იყოს.
ანდრეა ივანოვამ ლოყების ძვლებზე დაახლოებით 1600 ფუნტი სტერლინგი დახარჯა და ახალი იმიჯით აღფრთოვანებულია. ის აღიარებს, რომ ხშირად აკრიტიკებენ გარეგნობის გამო, მაგრამ ეს არ აწუხებს.
„მე არ ვნერვიულობ ხალხის კომენტარებზე, რადგან მაქვს ჩემი გემოვნება და შეხედულებები სილამაზეზე, რომელსაც მკაცრად ვიცავ. ყველამ უნდა დააკმაყოფილოს საკუთარი თავი შიშის ან სხვების მოსაზრებების მიმართ ზრუნვის გარეშე, რადგან ცხოვრების აზრი ბედნიერებაა“, - თქვა ანდრეა ივანოვამ.
