უკრაინის პრეზიდენტის, ვოლოდიმირ ზელენსკის თქმით, კრემლის ლიდერი ვლადიმერ პუტინი არა მხოლოდ ჩვენს ქვეყანას, არამედ მთელ ევროპას ესხმის თავს. რუსეთის ფედერაცია სხვა ქვეყნებს თანასწორებად არ ცნობს.
ამის შესახებ ინფორმაციას RBC-Ukraine ზელენსკის გერმანულ გამოცემა Die Zeit-თან ინტერვიუზე დაყრდნობით ავრცელებს.
„გსმენიათ, რა გაცხადდა მოსკოვში ბოლო წლებში? შეგიმჩნევიათ რაიმე პატივისცემით აღსავსე ფრაზა ევროკავშირის შესახებ? გრძნობთ, რომ პუტინი ევროპას თანასწორ სახელმწიფოდ აღიარებს? არა, მას ევროპის დაშლა სურს, ისევე როგორც უკრაინას. მოუსმინეთ, რას ამბობენ რუსი პროპაგანდისტები. ისინი ეკლესიებშიც კი ქადაგებენ სხვა ქვეყნების დაპყრობაზე. მოლდოვა, საქართველო, ბალტიისპირეთის ქვეყნები. დარწმუნებული ვარ, პოლონეთიც საფრთხის ქვეშაა. არსებითად, მთელი კონტინენტი საფრთხეშია, სანამ რუსეთს სხვა სახელმწიფოზე თავდასხმის შესაძლებლობა აქვს“, - თქვა ზელენსკიმ.
შეგახსენებთ, რომ RBC-Ukraine-ის ცნობით, ზელენსკი დარწმუნებულია, რომ რუსეთის ფედერაციის წინააღმდეგ სანქციები საკმარისი არ არის აგრესორის უკან დახევის იძულებისთვის.
