ევროკომისიამ იტალიური კომპანია Prada-ს მიერ Versace-ს მოდის სახლის შეძენა დაამტკიცა.
შეთანხმების ღირებულება 1.24 მილიარდ ევროს შეადგენს, ხოლო გაერთიანებული ჯგუფის ბრუნვა 6 მილიარდ ევროს გადააჭარბებს.
მარეგულირებელმა ხაზგასმით აღნიშნა, რომ გარიგება არ დაარღვევს კონკურენციას ევროპულ ბაზარზე. Prada ახლა პირდაპირ უპირისპირდება ფრანგულ გიგანტებს LVMH-სა და Kering-ს, რომლებიც წლების განმავლობაში ყიდულობდნენ იტალიურ ბრენდებს, როგორიცაა Gucci, Fendi და Bottega Veneta.
Versace ცოტა ხნის წინ ამერიკულ ჯგუფ Capri Holdings-ს ეკუთვნოდა. კომპანია იძულებული გახდა ბრენდი შემცირებულ ფასად გაეყიდა მას შემდეგ, რაც ფუფუნების საგნების კრიზისმა და აშშ-ში მზარდი ტარიფების შედეგად მის შემოსავლებზე გავლენა მოახდინა.
Versace-ს მოდის სახლი 1978 წელს ჯანი ვერსაჩემ დააარსა და მრავალი წლის განმავლობაში ოჯახის საკუთრებაში დარჩა. 1997 წელს დამფუძნებლის მკვლელობის შემდეგ, კომპანია მისმა დამ, დონატელა ვერსაჩემ, გადაიბარა. მიმდინარე წლის მარტში მან კრეატიული დირექტორის თანამდებობა დატოვა.
ძმებმა მარიო და მარტინო პრადებმა 1913 წელს დააარსეს „პრადამ“, რომელიც პრემიუმ სეგმენტში ერთ-ერთ მთავარ იტალიურ მოთამაშედ იქცა, რომელსაც შეუძლია პარიზის მონოპოლიისთვის გამოწვევა.
