უკრაინის პრეზიდენტმა ვოლოდიმირ ზელენსკიმ და დიდი ბრიტანეთის პრემიერ-მინისტრმა ბორის ჯონსონმა დღეს სატელეფონო საუბარი გამართეს. დიდი ბრიტანეთის პრემიერ-მინისტრმა იარაღის მიწოდების გაგრძელების პირობა დადო.
საუბრის დროს ჯონსონმა ზელენსკის დაჰპირდა, რომ რუსეთის აგრესიის წინააღმდეგ საბრძოლველად უკრაინისთვის იარაღის მიწოდებას გააგრძელებდა. დიდი ბრიტანეთის პრემიერ-მინისტრმა აღნიშნა, რომ უკრაინელ სამხედროებს ჯავშანტექნიკა უახლოეს დღეებში გაეგზავნებათ.
ლიდერებმა ასევე განიხილეს ალყაშემორტყმულ მარიუპოლში არსებული ვითარება. პრემიერ-მინისტრმა პატივი მიაგო ქალაქის უკრაინელი დამცველების სიმამაცეს.
შეგახსენებთ, რომ მოსკოვმა ჯონსონს და სხვა ბრიტანელ ოფიციალურ პირებს რუსეთში შესვლა აუკრძალა.
