საბჭოთა კავშირის ყოფილმა პრეზიდენტმა მიხეილ გორბაჩოვმა რუსეთში ხანგრძლივი ახალი წლის არდადეგების გაუქმებისკენ მოუწოდა. პოლიტიკოსმა არდადეგების მთელი წლის განმავლობაში უფრო თანაბრად გადანაწილების რეკომენდაცია გასცა.
გორბაჩოვის თქმით, ზედმეტად ხანგრძლივი შვებულების აღების ეს პრაქტიკა რუსებს ალკოჰოლის გადაჭარბებულად სმისკენ უბიძგებს. „მე მჯერა, რომ არა მხოლოდ რუსებისთვის ახალი წლის ხანგრძლივი არდადეგები უნდა გავაუქმოთ, არამედ მაისში ხანგრძლივი შაბათ-კვირის გაუქმებაც უნდა განვიხილოთ“, - დასძინა სსრკ-ის ყოფილმა მეთაურმა Ura.ru-სთან საუბრისას. მან აღნიშნა, რომ ასეთ დღეებში ადამიანები უბრალოდ „ტელევიზორის წინ“ ზარმაცობენ.
გორბაჩოვმა ასევე გაიხსენა, რომ მისი საბჭოთა კავშირის ხელმძღვანელობის დროს ქვეყანაში ხანგრძლივი შაბათ-კვირა პრაქტიკულად არ არსებობდა.
შეგახსენებთ, რომ „როსპოტრებნადზორის“ ყოფილმა ხელმძღვანელმა და სახელმწიფო დუმის ამჟამინდელმა დეპუტატმა გენადი ონიშჩენკომ ასევე შესთავაზა ახალი წლის არდადეგების შემცირება, რაც, მისი თქმით, უარყოფითად მოქმედებს რუსეთის მოქალაქეების ფიზიკურ და ფსიქიკურ ჯანმრთელობაზე. ყოფილი მთავარი სანიტარული ექიმი ამტკიცებს, რომ უსაქმურობა, უმადურობა და ალკოჰოლის ბოროტად გამოყენება ნამდვილად არ არის სასარგებლო რუსებისთვის.
