სოჭის ადლერის რაიონში დიზელის საწვავის ავზს ცეცხლი გაუჩნდა, განაცხადა კრასნოდარის მხარის ხელმძღვანელმა ვენიამინ კონდრატიევმა.
„ხანძარი 96 კვადრატულ მეტრ ფართობს მოიცავს. <…> ადგილზე 60-ზე მეტი ადამიანი და 15 ერთეული ტექნიკა მუშაობს“, - დაწერა გუბერნატორმა თავის Telegram არხზე.
წინასწარი ინფორმაციით, არავინ დაშავებულა. ხანძრის გავრცელების საფრთხე არ არსებობს. ავარიის გამომწვევი მიზეზების დადგენა მიმდინარეობს.
საგანგებო სიტუაციების სამსახურის ცნობით, ხანძარი ნავთობბაზასთან და სოჭის აეროპორტთან ახლოს დაფიქსირდა.
