რუსეთში ინტერნეტ ცენზურა კვლავ მკაცრდება და ახლა, YouTube-ზე შეზღუდვების შემდეგ, ხელისუფლება, სავარაუდოდ, Telegram მესენჯერის დაბლოკვას ემზადება, იტყობინება .
ორშაბათს ღამით, მოსკოვსა და სანქტ-პეტერბურგში Telegram-ის მომხმარებლებმა აპლიკაციის სერიოზული შეფერხებები განიცადეს, რამაც ეჭვი გააჩინა, რომ მესენჯერი ტესტირების პროცესში იყო.
ინტერნეტის დაცვის საზოგადოების დირექტორმა, მიხაილ კლიმარევმა, განაცხადა, რომ ეს შეიძლებოდა Telegram-ის დაბლოკვის „ტესტი“ ყოფილიყო, რადგან რუსეთის ფარგლებს გარეთ აპლიკაციაზე წვდომის პრობლემები არ ყოფილა. როსკომნადზორმა ადრეც სცადა Telegram-ის დაბლოკვა 2017 წელს, მაგრამ ამან საპირისპირო შედეგი გამოიღო და მესენჯერის პოპულარობა გაზარდა.
ეს ქმედებები ჯდება კრემლის ინტერნეტზე კონტროლის გაძლიერების საერთო სტრატეგიაში, რომელიც ცნობილია როგორც „ჩებურნეტი“, რაც მოიცავს უცხოურ ონლაინ სერვისებსა და შეტყობინებების აპლიკაციებზე წვდომის შეზღუდვის მცდელობებს.
