რუსეთმა არამეგობრული ქვეყნების სია გააფართოვა და მას საბერძნეთი, დანია, ხორვატია, სლოვაკეთი და სლოვენია დაამატა.
რუსეთის მთავრობამ შესაბამისი ბრძანება გამოაქვეყნა. მასში ასევე დაზუსტდა რუსეთში დიპლომატიურ მისიებში მომუშავე პირთა რაოდენობა.
რუსეთში 34 ბერძენი, 20 დანიელი და 16 სლოვაკი დიპლომატი იმყოფება. რუსეთში არც ხორვატი და არც სლოვენიელი დიპლომატები არ არიან.
აღსანიშნავია, რომ რუსეთის მიერ სახელმწიფოების არამეგობრული ქვეყნების სიაში შეყვანა გულისხმობს, რომ აგრესორი ქვეყანა არამეგობრული ქმედებების შემთხვევაში საპასუხო ზომებს მიიღებს.
აპრილის ბოლოს რუსეთმა დაიწყო იმ ქვეყნების სიის შედგენა, რომლებიც მის მიმართ არამეგობრულად ითვლებოდნენ. კრემლმა გადაწყვიტა, შეერთებული შტატებით დაეწყო.
ევროკავშირმა კომენტარი გააკეთა რუსეთის მიერ არამეგობრული უცხო სახელმწიფოების ოფიციალური სიის მიღებასთან დაკავშირებით. ორგანიზაციამ ხაზგასმით აღნიშნა, რომ ეს კრემლის მხრიდან ესკალაციისკენ გადადგმული უახლესი ნაბიჯია.
