რუსეთში მსოფლიოში პირველი COVID-19 ვაქცინის წარმოება დაიწყო, იტყობინება რუსეთის ჯანდაცვის სამინისტროს პრესსამსახური.
„დაიწყო რუსეთის ჯანდაცვის სამინისტროს გამალეას ეპიდემიოლოგიისა და მიკრობიოლოგიის ეროვნული კვლევითი ცენტრის მიერ შემუშავებული ახალი კორონავირუსული ინფექციის, COVID-19-ის საწინააღმდეგო ვაქცინის წარმოება“, - იტყობინება საინფორმაციო სააგენტო TASS. მანამდე, რუსეთის ჯანდაცვის მინისტრმა, მიხაილ მურაშკომ, ჟურნალისტებს განუცხადა, რომ ხუთი თვის განმავლობაში შემუშავებული რუსული კორონავირუსის ვაქცინის პირველი პარტიები ორ კვირაში გამოვა. ისინი, ძირითადად, ჯანდაცვის მუშაკებს გადაეცემათ. COVID-19 ვაქცინაცია სრულიად ნებაყოფლობითი იქნება.
მინისტრმა ხაზგასმით აღნიშნა, რომ პლატფორმა, რომელზეც პრეპარატი შეიქმნა, კარგად არის შესწავლილი. მასზე სხვა ვაქცინებიც შემუშავდა. 11 აგვისტოს რუსეთი გახდა მსოფლიოში პირველი ქვეყანა, რომელმაც კორონავირუსის ვაქცინა, სახელწოდებით „სპუტნიკ V“, დაარეგისტრირა. პრეპარატი შეიმუშავა რუსეთის ჯანდაცვის სამინისტროს „გამალეას“ ეპიდემიოლოგიისა და მიკრობიოლოგიის ეროვნულმა კვლევითმა ცენტრმა და ივნისსა და ივლისში კლინიკური კვლევები ჩაატარა.
„გამალეიას ცენტრი“ ამჟამად ამზადებს დოკუმენტების პაკეტს COVID-19 ვაქცინის ბავშვებზე ტესტირების ნებართვის მისაღებად. სრულად შემუშავებული პროტოკოლი შესაძლოა სამიდან ხუთ თვემდე პერიოდში იყოს მზად.
