ხელისუფლება ავტობუსების დაბრუნებაზე მოლაპარაკებებს აწარმოებს, რათა მელიტოპოლის მაცხოვრებლებმა ხვალ ზაპოროჟიეში გამგზავრება შეძლონ.
მელიტოპოლში ოკუპანტებმა 14 ტონა ჰუმანიტარული დახმარებით დატვირთული ავტობუსები ჩამოართვეს.
ამის შესახებ უკრაინის ვიცე-პრემიერმა და ოკუპირებული ტერიტორიების რეინტეგრაციის საკითხებში მინისტრმა ირინა ვერეშჩუკმა ვიდეომიმართვაში განაცხადა.
მისი თქმით, დღეს მელიტოპოლში ჰუმანიტარული დახმარებით დატვირთული 12 ავტობუსი ჩავიდა ხალხის ევაკუაციის მიზნით.
„ოკუპაციის ძალებმა ჩამოართვეს მთელი ჰუმანიტარული დახმარება - 14 ტონა საკვები და მედიკამენტები. ჩვენ ვაწარმოებთ მოლაპარაკებებს ავტობუსების დაბრუნებაზე, რათა მელიტოპოლის მაცხოვრებლებმა ხვალ ზაპოროჟიეში გამგზავრება შეძლონ“, - აღნიშნა ვერეშჩუკმა.
როგორც UNIAN-მა ადრე გაავრცელა ინფორმაცია, 31 მარტისთვის დამტკიცდა სამი ჰუმანიტარული დერეფანი, რომელთა მეშვეობითაც ზაპოროჟიეში საკუთარი ტრანსპორტით 1458 ადამიანი ჩავიდა, მათ შორის 631 ადამიანი მარიუპოლიდან და 827 ზაპოროჟიეს ოლქის ქალაქების: ბერდიანსკის, მელიტოპოლის, ენერგოდარის, პოლოხის, ორეხოვის, ჰულიაიპოლეს და ვასილიევკას მაცხოვრებელი
რუსმა ჯარისკაცებმა ასევე ცეცხლი გაუხსნეს ჩერნიგოვის მახლობლად მოხალისეების გადამყვანი ავტობუსების კოლონას. სროლის შედეგად ერთი ადამიანი დაიღუპა და ოთხი მძიმედ დაშავდა. ერთ-ერთმა მანქანამ გატეხილი საბურავებით გაქცევა მოახერხა. მძღოლი დაშავდა და საავადმყოფოში გადაიყვანეს.
