ლუგანსკის სპეციალური ოპერაციების სარდლობის ხელმძღვანელმა, სერგეი გაიდაიმ, განაცხადა, რომ რეგიონში არც ერთი ბენზინგასამართი სადგური ან საწვავის საწყობი არ არის შემორჩენილი და საწვავის ტრანსპორტირების დროს სასიკვდილო საფრთხე არსებობს.
მისი სიტყვები სტრატეგიული კომუნიკაციებისა და უსაფრთხოების ცენტრმა გაავრცელა.
მან ლუგანსკის ოლქის მძღოლებს მოუწოდა, დაზოგონ საწვავი და თავი შეიკავონ არასაჭირო მგზავრობისგან, რადგან პრიორიტეტულია სამაშველო სამსახურების, სამედიცინო პერსონალის, პოლიციისა და სამხედროების საწვავით უზრუნველყოფა.
შეგახსენებთ, რომ რუსებმა ლისიჩანსკის ნავთობგადამამუშავებელი ქარხანა დაბომბეს, რომელშიც მხოლოდ ნავთობპროდუქტების ნარჩენები იყო.
