ისტორიაში პირველად, ჩინურმა კომპანია NetDragon Websoft-მა აღმასრულებელი დირექტორის თანამდებობაზე ხელოვნური ინტელექტის წარმომადგენელი დანიშნა.
ტანგ იუ, ხელოვნური ინტელექტით მართულ ვირტუალური ჰუმანოიდი რობოტი, ამიერიდან NetDragon Websoft-ის აღმასრულებელი დირექტორი იქნება, კომპანიისა, რომელიც მრავალმოთამაშიანი ონლაინ თამაშებისა და მობილური აპლიკაციების შემუშავებასა და მართვას ახორციელებს.
ამის შესახებ ინფორმაციას Metro ავრცელებს.
აღმასრულებელი დირექტორის თანამდებობაზე ტანგ იუ კომპანიის „ორგანიზაციისა და ეფექტურობის დეპარტამენტს“ უხელმძღვანელებს. რობოტი პასუხისმგებელი იქნება პოპულარული ჩინური სათამაშო და მეტავერსის კომპანიის ოპერაციების ზედამხედველობაზე.
„ჩვენ გვჯერა, რომ ხელოვნური ინტელექტი კორპორატიული მმართველობის მომავალია და ტანგ იუს დანიშვნა აჩვენებს ჩვენს ვალდებულებას, ჭეშმარიტად მივიღოთ ხელოვნური ინტელექტის გამოყენება ჩვენი ბიზნესის წარმოების წესის შესაცვლელად და საბოლოოდ, ჩვენი მომავალი სტრატეგიული ზრდის უზრუნველსაყოფად“, - განაცხადა NetDragon-ის აღმასრულებელმა დირექტორმა დეძიანგ ლიუმ.
